bibliobembibre@gmail.com

bibliobembibre@gmail.com

mércores, 28 de decembro de 2022

Nadal 2022

 O último día de cole sempre é moi emocionante e este non podía ser menos, houbo moitas sorpresas ao longo da mañá e tamén tempo de manter as tradicións. Botade un ollo! 




E como en boa celebración de fin de ano, non podía faltar a música! Vaia artistas temos en Bembibre, que ben o fixeron!!

















Aquí podedes ver estas e algunhas fotiños máis!




luns, 26 de decembro de 2022

Escola de Música e Carreira Solidaria

 Aquí vos deixamos unha mostra do que deu de si o penúltimo día de cole, foi un día moi divertido á par que importante e solidario. 

Grazas polas vosas ganas na carreira e grazas tamén por todas as aportacións económicas que van destinadas, este ano, á cociña económica de Santiago. 






mércores, 7 de decembro de 2022

Día Internacional das Persoas con Discapacidade

O 3 de decembro é o Día Internacional das Persoas con Discapacidade. Por iso, as nenas e nenos de 5º e 6º de primaria puideron gozar dunha xornada de sensibilización por parte da Asociación Avante. Se ollades as súas redes sociais podedes ver algunha foto máis desta xornada. 




Tamén os máis peques realizaron tarefas de sensibilización botando man de recursos como os contos "El cazo de Lorenzo" e "El libro negro de los colores" que nos fixeron reflexionar. 





Desexamos que axiña chegue o día no que non sexa necesario celebrar o Día das Persoas con Discapacidade pois significará que rompemos as barreiras e prexuízos existentes!


“La única discapacidad en la vida es una mala actitud” (Scott Hamilton)

luns, 28 de novembro de 2022

Día Internacional para a Eliminación da Violencia contra as Mulleres

 Dende o CPI de Bembibre, un ano máis, loitamos contra a violencia de xénero. 

Grazas familias, por axudarnos a vencer esta lacra! 💜




venres, 28 de outubro de 2022

SAMAÍN E MAGOSTO

Hoxe foi un día moi divertido no cole, aínda que tamén un pouquiño terrorífico! 👻 Chegamos entusiasmad@s por amosarlle os nosos disfraces ao resto do cole (xa levabamos semanas agardando e preparando todo pero hoxe, por fin, era o día)!

Despois do recreo, degustamos unhas riquísimas castañas. Que boas estaban, pero estabamos moi preocupad@s por se atopabamos algún vermiño!!🐛

Para finalizar o día realizamos uns obradoiros de Samaín e sacamos fotos a esgalla, aquí vos deixamos boa mostra! 








mércores, 26 de outubro de 2022

DÍA DAS BIBLIOTECAS ESCOLARES

O 24 de outubro conmemórase o días das bibliotecas escolares. Aquí vos deixamos enlace á presentación do curso pasado coa que podedes recordar as orixes desta celebración. https://recunchodepistacho.blogspot.com/2021/10/dia-das-bibliotecas.html

Este curso, coa biblio funcionando a pleno rendemento, pareceunos que era o lugar ideal para levar a cabo as accións pensadas para celebrar o seu día. Así que os nos@s compis máis maiores prepararon unha dramatización coa que pasamos un anaco ben divertido. Aquí vos deixamos unha mostra: 





E tamén sacamos moitas fotos!!  


Pero a celebración deste día comezou moito antes, pois trouxemos o noso conto/libro favorito para ensinarlle ao resto da clase e coas fotos de tod@s nós, elaboramos un mural ben bonito. 




venres, 21 de outubro de 2022

Coidado coidado, xa están aquí!

Booo!!  👻

Avecíñanse días terroríficos no CPI de Bembibre!  👾 

 Os monstros do Samaín están chegando e xa deixaron a súa pegada na biblio de Pistacho 😱

Mirade mirade...👀



xoves, 29 de setembro de 2022

ALUMNADO 2022/2023

Un ano máis, aquí vos deixamos as fotos de todos os grupos do cole! Con moitas ganas deste novo curso no que seguiremos aprendendo e compartindo momentos xunt@s! Comezamos!!!





luns, 12 de setembro de 2022

BENVID@S AO CURSO 2022-2023

Benvid@s a un novo curso escolar! Este ano volvemos pouco a pouco á normalidade. Que gusto dá volver a vernos as caras!

Este ano poderemos desfrutar da nosa renovada biblio dende o mes de outubro, xa falta pouquiño! Tamén temos moitas caras novas no cole así que estades atent@s porque en breves subiremos as fotiños dos nosos grupos.

Como cada ano, comezamos con moita ilusión por aprender cousas novas, facer novas amizades e seguir crecendo como persoas.






domingo, 26 de xuño de 2022

Fin de curso

 E ata aquí un curso cheo de aventuras e aprendizaxes, de ilusións e proezas. 

Queremos agradecer a toda a comunidade educativa por poñer o seu gran de area para que outro curso máis fora especial.

Aquí vos deixamos coas fotos e algún vídeo da festa fin de curso e as graduacións de infantil e 6º EP.

Moi bo verán a tod@s!!!


luns, 20 de xuño de 2022

Excursión as Fragas do Eume

 Aquí vos deixamos un pequeno vídeo da excursión que realizou o alumnado de 4º, 5º e 6º as Fragas do Eume. 


Excursións 2022

 Aquí vos deixamos o enlace a google fotos das excursións deste curso 2021/2022. Iremos actualizando segundo se vaian realizando as excursións!!



xoves, 16 de xuño de 2022

Clube de lectura en 1º

 O alumnado de 1º de primaria elaborou este vídeo como mostra da súa actividade no clube de lectura "Os piratas tortos". Estiveron traballando "Daniela Pirata" de Susana Iserm & Gómez, un libro moi recomendable para traballar a igualdade e a coeducación.

mércores, 15 de xuño de 2022

ENTREVISTA A TOURIÑÁN

 O alumnado de 3º de pirmaria tivo a oportunidade de facerlle unha morea de preguntas a Xosé Antonio Touriñán, cómico, humorista e actor galego. 

Pasámolo moi ben con el e rímonos moito. Sobre todo cando nos puxemos a contar chistes!!

Grazas Touri!!!



venres, 13 de maio de 2022

TALLER DE BICHOS

 Na xornada de onte e hoxe poidemos aprender, tocar e sentir a unha morea de bichos, sobre todo insectos, que nos trouxeron ao cole. Foi un taller moi emocionante e divertido, xa que non todos os días podemos coller na man unha tarántula ou un insecto folla. Botádelle un ollo as fotos!!!



PATIOS DINÁMICOS

Unha iniciativa que nace da colaboración de Atención Temperá e o profesorado de Ed. Infantil do C.P.I. de Bembibre. Destinado ao alumnado de 3 a 6 anos.

Pretende utilizar os recursos da contorna. Explorar, coñecer, xogar con distintos materiais reutilizados e ao alcance de todos e todas.

PODCAST LETRAS GALEGAS FLORENCIO DELGADO

Aquí vos deixamos o Podcast realizado para dar a coñecer o homenaxeado nestas Letras Galegas 2022, Florencio Delgado. Un podcast moi entretido e interesante. Cheo de curiosidades, moi boa música, algunha entrevistas,... Ten un pouquiño de todo feito polos nenos e nenas!!! Esperamos que vos guste!!

 

mércores, 11 de maio de 2022

2º edicion do xornal O Picoto

Cantas ganas tiñamos de que saíra do forno unha nova edición do xornal O Picoto. Esta nova edición está chea de novidades, imaxinación, aventuras, entrevistas,  cultura, arte, receitas,.... Vamos que xa estades tardando en lelo e mirar todo o que alí trae. 

A impresión desta nova edición coincide coa conmemoración do día das Letras Galegas.




Documental "Outros camiños" con Rubén Riós

 Esta semana o alumnado de 4º, 5º e 6º viron o documental de Afundación "Outros camiños". Este documental, no que fan parte do camiño de Santiago, para valorar e comprender a diversidade funcional ou dis-capacidade (distintas capacidades). Logo interactuaron en directo co director e actor Rubén Riós. 

Se queredes ver este documental cheo de aprendizaxe, sorrisos, apertas e bágoas onde os líderes dese camiñar, catro persoas con paralise cerebral, guiarán o resto do pelotón na aprendizaxe da relación das persoas coa diferencia humana, só tendes que clicar no seguinte enlace:

https://player.vimeo.com/video/644436863?h=cdc4d2c383

Un proxecto soportado polo espirito de superación, o esforzo e a recompensa que iso leva parello en todos os ámbitos da vida.

luns, 2 de maio de 2022

Acoso escolar

 Hoxe, 2 de maio, é o día internacional contra o acoso escolar. Para traballar este día e durante todo o curso, veremos estas pintadas nos baños do cole con moitos dos lemas que nos mandastes. Tamén realizamos unha gran pancarta para colgar na entrada do cole co lema e o debuxo gañador. 

Botádelle un ollo as fotos!! 

Todos contra o acoso escolar!!!!



mércores, 27 de abril de 2022

Clube de lectura Os piratas tortos 1º

 O clube de lectura de 1º de primaria está a traballar a moreas!

E aprendemos un montón de cousas! Decatámonos que a lectura é un camiño de sabiduría! Aquí vos deixamos unha pequeniña mostra do que a cativada estivo a traballar ao longo destas semanas. Esperamos que vos guste tanto coma nós!

venres, 22 de abril de 2022

23 de abril INAUGURACIÓN da nova BIBLIOTECA

Hoxe Pistacho ten o pracer de ensinarvos a nova biblio. Unha biblio que se fixo con moita ilusión e gañas de que vos gustara moito. Unha biblio na que as mesas e as estanterías altas xa non son as protagonistas. Unha biblio con moitos recunchos e moitas aventuras. Un espazo máis amplio e luminoso. Un espazo para xogar e aprender. Esperamos que vos guste moito. Agora tócanos coidala para que nos dure moito.

domingo, 6 de marzo de 2022

DÍA DE ROSALÍA

 Aquí vos deixamos con moito agarimo o que fixemos para conmemorar o día de Rosalía. Na clase de artística, a mestra Catuxa uniu a música e maila ilustración e saiu este recitado de poemas ilustrados. 

venres, 25 de febreiro de 2022

ENTROIDO 2022

 Aquí vos deixamos fotos e vídeos do día de hoxe. Foi unha festaza en toda regra!! Tivemos baile, música, chocolate e desfile polo pobo!!! 

Disfrutade moito do entroido rapazada!!! Vémonos o xoves!!!

venres, 18 de febreiro de 2022

Mandatos do Meco

 E o entroido está a chegar e Pistacho está feliz e contento porque é a época do ano que máis lle gusta. Pódese disfrazar do que queira e non ser recoñecido!!!! E tamén se pode fartar a orellas, filloas e cocido!!!

O venres teremos a grande festa de entroido no que poderedes vir disfrazados do que queirades. Pero este luns imos ir comezando pouquiño a pouco a converternos en alguén moi característico da cultura galega. A ver se o adiviñades!!!

luns, 7 de febreiro de 2022

Excursión a Buño

 Os nenos e nenas de 2º de primaria asistiron o 27 de xaneiro a Buño, ao ecomuseo do Forno do Forte. Son 7 vivendas de familias que se adicaban a olería. Nesas casas tiñan o forno para cocer o pan e tamén era o seu lugar de traballo. As casas tiñan na planta baixa  a cociña e o taller e na planta alta o fumeiro e o cuarto. Tivemos unha guía de 10, grazas Lola por explicarnos todo tan ben!!!

Finalmente tivemos un taller de barro e vimos como se facían as pezas co torno. E cada un, poidemos facer a nosa peza de barro!! Foi xenial, aprendemos moito!!

Se queredes saber máis, mirade as fotos e o vídeo que fixemos.



martes, 1 de febreiro de 2022

DÍA DA PAZ

No día da Paz, saímos a fóra, como todos os anos para soltar globos con mensaxes de paz. Despois cantamos e bailamos a canción de  moda das Tanxugueiras Terra.  Tamén estamos moi contentos por todos os alimentos que estamos recollendo para o pobo saharaui. En breves poderán vir a vernos e a contarnos a súa situación.






martes, 25 de xaneiro de 2022

DÍA DA PAZ, recollida de alimentos

 Esta semana, pola conmemoración do día da paz, vamos a facer unha recollida de alimentos para o pobo saharaui. O longo de toda a semana podedes deixar no cole os alimentos non perecedeiros que creades oportuno. Entre os que necesitan con máis urxencia serían: aceite, mel e atún, xa que lle serven con fíns mediciñais. 

O luns 31 teremos a charla da man da asociación SOGAP e o pobo saharaiui. Gracias a todos por colaborar. 

Irémosvos contando!!!





martes, 4 de xaneiro de 2022

Christmas nas clases de inglés

 Os nenos e nenas de Bembibre traballaron moito este trimestre coa mestra Celia en inglés. 

En educación infantil estivemos a traballar nomes de diferentes obxectos e lugares, repasamos cores e números, os saúdos... Pero o que máis nos gustou foi aprender cancións e xogos! Aquí temos a nosa canción do Nadal, esperamos que vos guste!

Enlace ao vídeo


1ºst Grade

Os nenos e nenas de primeiro traballamos con nenos de moitos países diferentes: Italia, Turquía, Grecia… A pesar de que non coñecemos as súas caras, si que coñecemos os seus avatares! Igual que eles coñecen os nosos!

Tras a elaboración dos nosos avatares, fixémolos falar a través de ChatterPix, dándolles as nosas propias voces e presentándonos! Foi xenial! Fixemos un vídeo que o reflexa:

Enlace ao vídeo


Unha vez que todos e todas nos coñecíamos, procedemos á creación dun logo representativo. Cada un de nós creou un e despois fixemos unha votación. Houbo tres traballos seleccionados!

Para todos os nosos compañeiros e compañeiras creamos unha grande postal de Nadal, describindo os nosos: “Christmas wishes” ou “Desexos de Nadal”:
Por último, para rematar coas actividades do Nadal, cantamos unha panxoliña en inglés cos demais compañeiros e compañeiras, cantando, cada grupo de cada país unha parte da canción: A chubby little snowman!

2nd grade

Fomos os primeiros en comezar o noso traballo colaborativo! Comezamos cunha videochamada, na que nos presentamos un a un, dicindo o noso nome e a nosa idade. Logo, escoitamos os nomes dos nenos e nenas de Italia. Acordamos escribir unhas preguntas sobre as nosas vidas habituais e intercambialas! Preguntamos sobre a comida, sobre as materias da escola, pero tamén sobre as medidas de Covid, sobre o uso da máscara, a distancia interpersoal, como facían coas merendas… (todas as preguntas saíron dos propios nenos e nenas). Así o fixemos! Redactamos unha carta e, xunto con esas preguntas, engadimos fotos do patio e das clases!

Os nosos compañeiros e compañeiras son de Italia, e con eles intercambiamos varias videochamadas e cartas! Nelas preguntamos sobre o seu tipo de comida, e dixéronnos que, de onde eles viven, era moi común comer rás! A nós custounos un pouco pensalo… Nós contámoslles sobre o noso río, sobre as actividades que facíamos… Estamos desexando saber máis no próximo trimestre! Quizais non teñamos moitos traballos físicos que amosar en fotos, pero si que temos varias experiencias de contacto directo cos nenos e nenas de Italia, e esta é unha vantaxe da que non todos os cursos poden disfrutar!

Enviamos unha tarxeta de Nadal, que polo de agora, aínda non chegou nin nós recibimos a nosa...Por último, creamos para eles o seguinte vídeo de Nadal.

Enlace ao vídeo


3rd grade

Nós formamos un grupo de tres! Colaboramos cuns nenos e nenas “veciños” (Valdepeñas de la Sierra) que van a un cole no que só hai seis nenos e nenas!!! E tamén cunha escola de Romanía que conta con 25 nenos e nenas só na aula de 3º! Unha boa mestura! Realizamos unha primeira videoconferencia, na que nos presentamos un a un, dicindo os nosos nomes e idade (practicamos moito para que nos saíse moi ben!), aínda que nos custou un pouco coñecer os nomes dos nenos e nenas de Romanía, gustounos a actividade.

Tras esta primeira reunión decidimos que o primeiro que debíamos facer era presentarnos por escrito! E así foi:

A continuación, o máis importante era falar, como non, da nosa comida favorita! E é aquí onde a colaboración familiar foi fundamental! Tanto a mestra coma os nenos estamos moi agradecidos da vosa participación, gracias! Con esas imaxes creamos unha presentación, na que engadimos as nosas fotografías e de un a un fomos escribindo no pc da profe o que nos gustaba máis:

Recibimos e lemos o que nos enviaron ambos compañeiros!  Incluso con algunha receita!

Por último para este trimestre foi a videoconferencia de Nadal! Foi moi especial, xa que, por un lado, cantamos en galego, para amosar a nosa lingua, e, polo outro, todos e todas cantamos á vez unha canción en inglés!


4TH GRADE

Para a nosa colaboración comezamos moi ben! Realizamos unhas presentacións de nós mesmos estupendas:


Para a nosa mala sorte, os nenos e nenas cos que comezamos a traballar tardaron moito, moito en respondernos… aínda que finalmente, responderon!
Como se adoita dicir, non hai mal que por ben non veña! Como tardaron tanto, apareceu a posibilidade de intercambiar tarxetas de Nadal con uns nenos e nenas de República Checa (compañeiros e compañeiras dos nenos que colaboran con 5º, pero de 4º curso). Sen dubidalo, mans á obra! Incluso cunha fisura.


Foron uns traballos fabulosos! E contando con pouco tempo! Parabéns nenos e nenas!


Fomos afortunados, xa que as cartas chegaron a tempo, e docemente, abrimos as nosas postais, que contiñan un caramelo da República Checa! Seica temos que pedir máis…


Os nenos e nenas de 4º queremos agradecerlle ós titores a súa comprensión cara a actividade, xa que nos prestaron un par de horas para poder realizar o traballo en tempo, pero unha mención especial á profe Águeda, quen ademais colaborou moi activamente na creación das nosas tarxetas! Gracias!


Estes dous grupos, tan traballadores e tan ilusionados co proxecto, non foron demasiado afortunados… Que pasará para o seguinte trimestre? Esperemos que a nosa sorte mellore e poidamos facer máis cousas!


Enlace ao vídeo de 4ºA

Enlace ao vídeo de 4ºB


5TH GRADE

Fomos os que máis forte comezamos! Quixemos presentar o lugar de onde vivimos, amosamos Bembibre, Niveiro, Abelenda... Fixemos un traballo que quedou fabuloso! Gracias a todas as familias pola vosa colaboración! A cambio, recibimos unha presentación sobre a República Checa, e sobre o lugar de onde veñen os nenos e nenas cos que traballamos.

Todo isto levou moito traballo pola nosa parte e pola súa, e xa case non tivemos tempo a nada máis! Aínda que si que puidemos preparar tarxetas de Nadal! Unhas tarxetas fenomenais que encantaron ós nosos compañeiros e compañeiras da República Checa! A cambio nós tamén recibimos unha, con sorpresa incluída! A tarxeta que enviaron contiña un caramelo da República Checa, boísimo!

A nosa intención era poder realizar unha videochamada, pero, desafortunadamente, por motivos de saúde relacionados coa mestra de República Checa, tivemos que pospoñela ata o próximo trimestre! Pero non sabemos quedar quedos! Fixemos un vídeo que enviamos ós nosos compañeiros e compañeiras, no que cantamos unha panxoliña en inglés! Estou segura que lles encantou!



6th Grade

Nós traballamos con nenos e nenas de Lituania! Alí vai moito frío! Enviamos as nosas presentacións, pero tivemos mala sorte, houbo un brote de Covid na súa escola e pasaron máis dun mes sen acudir ás aulas, polo que a súa resposta demorou ata practicamente final de trimestre. Pero chegou! A nosa intención é intercambiar cartas individuais, emparellando os nenos e nenas acorde ós seus intereses, quen sabe se poden atopar un bo amigo ou amiga a tantos km de distancia?


Polo Nadal creamos unhas tarxetas un pouco especiais: eran DIXITAIS! Aquí vai un exemplo:

Recibimos tamén tarxetas dixitais, e foi moi emocionante ver os traballos dos outros nenos e nenas.

Por último, gravamos unha panxoliña de Nadal en galego (xa que foi un intercambio de música propia) e recibimos unha no seu idioma. Para o próximo trimestre estamos pendentes dunha videochamada e de máis traballiños en conxunto!