Hoxe tocou alzar a voz e poñer o noso gran de area para acabar coa violencia contra as mulleres. Dende o CPI de Bembibre realizamos unhas pancartas para visibilizar a nosa protesta contra esta lacra. Tamén o alumnado de 6º da man da nosa sempre profe Lucinda, realizaron unha obra de teatro con situacións da vida cotiá nas que se vive a violencia cara as mulleres.
Aquí tendes unha mostra do día.
Hoxe foi un día diferente. No cole hoxe repartimos chapas co noso lema, repartimos uns cadernos dos Bolechas sobre a igualdade que nos ofreceu o Concello, vimos os vídeos onde as familias poideron participar para dar o seu apoio a este día e plantamos unha árbore que vai ser o noso símbolo cada 25 de novembro. Un arce xaponés que vai ser o noso punto de referencia cada 25N, para conmemorar a todas as mulleres que loitaron e seguen loitando pola igualdade e por erradicar a violencia de xénero. Non foi un día calquera, foi o 25 de novembro. Que todos os días sexan 25 de novembro.
Fai clic na imaxe para ver máis fotos.
Aquí vos deixamos a canción que cantamos este ano, das Tanxugueiras "Que non mo neguen". O alumnado máis a profe Catuxa, alzaron a voz contra a violencia de xénero!
Con moita ilusión vos ensinamos este vídeo tan bonito que poidemos facer grazas a todas as familias que quixeron colaborar con esta iniciativa. Moitas grazas por participar e por facelo tan ben. Aquí poñemos o noso grao de area para loitar contra a violencia de xénero. Xuntos podemos!!!! Xuntos somos máis fortes!! Contra a violencia de xénero alcemos a voz!!!
