Día da discapacidade

Hoxe tivemos unha xornada moi especial, a asociación Un paso máis veu a poñernos na pel das persoas con diversidade funcional. Por medio de xogos como o goalball, baloncesto con silla de rodas, mímica,… Descubrimos a dificultade que teñen estas persoas.

25 N no colexio

 Hoxe conmemoramos este día lendo un manifesto, cantando unha canción e colgando a pancarta do lema e os debuxos. Tan ben o fixeron que aquí vos deixamos o vídeo da canción de Malfalada: “Nais e avoas”. Tamén damos as grazas a Marco e Sara por ilustrar tan ben este día coa seus debuxos!!

Enlace ao vídeo

Simulacro de incendios

 Deixámosvos algunhas fotos do simulacro de incendios que se fixo no cole este venres. Foi toda unha aventura e fixémolo moi ben!! Grazas aos bombeiros de Santa Comba e a Protección Civil de Val do Dubra por deixarnos subir aos seus camións e ter tanta paciencia con nós.

Carreira solidaria

 Hoxe realizamos a carreira solidaria a favor dos afectados pola dana en Valencia. Ademais de pasalo moi ben, recaudamos moito diñeiro que vai directo para Valencia!! Grazas a todas as familias por colaborar!!

FOTOS DE GRUPO

 Ainda que este ano nos custou  un pouco máis, aquí están as fotos de grupo do alumnado do curso 2024/2025.

Samaín e magosto 2024

 Aquí vos deixamos unha selección de fotos do que foi o mércores 30 no cole. Pasámolo en grande pasando polo túnel terrorífico e música que nos dou un pouquiño de medo. Pero valeu a pena sobre todo para lucir os disfraces tan xeniais que traian os nosos pequenos e pequenas. Despois ao longo da mañá estivemos facendo talleres por todas as aulas: taller de pócemas máxicas, pulseiras terroríficas, curtas de medo, contacontos, ... Foi moi ameno e divertido.

Ás últimas horas adicámolas a celebrar o magosto co seu asado de castañas. Este ano eran grandísimas e estaban moi moi ricas!!  Grazas a Miguel, Carmita e Varela por facelas!!!

Benvidos ao curso 2024/2025

 Outro aniño aquí estamos, e aquí está Pistacho esperando a que o veñades ver a biblioteca. Para os que sodes novos e novas, Pistacho é un loro que temos de mascota na biblio. É moi riseiro e encántalle facer algunha trasnada!!. Pero o que máis lle gusta son os libros. Asique vide velo cando queirades. Polo de pronto xa temos algunha sorpresiña que vos vai dar neste mes. Estade atentos!!

Bo curso a todos!!!

Fin de curso

 E chegou o día das despedidas e de desexarnos un feliz verán, pero tamén o día de disfrutar, de facer festa e de bailar! E como non podía faltar algo especial, tivemos a festa da espuma!!! Non nos chegaba a hora de que ese cañón botara espuma para poder meternos. Pasámolo tan ben que aparecían a cada pouco chanclas perdidas😂😂😂

Disfrutade moito do verán que logo pasa e en nada xa estamos todos xuntos!!! 

FOTOS GRADUACIÓNS INFANTIL E PRIMARIA

 Que día tan emocionante o de onte. Foron as graduacións de infantil e 6º de primaria. Como todos os anos, soltamos a nosa lagrimilla polo bonito que alí se viviu no auditorio! Gracias aos profes que fixeron que todo esto fora posible, e a familia e o alumnado por colaborar. Sen máis, desexámoslle aos nosos nenos e nenas todo o mellor para a nova etapa na que se van adentrar!!! Desfrutade intensamente da vida e sede auténticos!

Proxecto competencial 3º: Cine en valores

 Durante este curso o alumnado de 3º na materia de Proxecto competencial estivo traballando o cine, en concreto películas de valores. E como proxecto final fixemos unhas curtas reflexando diferentes problemáticas que detectamos na sociedade, e que nós como nenas e nenos que somos, nos gustaría eliminar.

4º edición xornal o PIcoto

 Tiñamos tantas gañas de que saíra á luz a nova edición do xornal O Picoto, que estamos moi contentos de poder ensinarvos o noso traballo destes meses atrás. Este ano o alumnado de 6º coas súas profes fixeron a maquetación. E as demáis aulas traballamos para colaborar sendo editores e mandarlles as seccións deste xornal que ten de todo! Esperemos que vos guste.

 O mércore 8 de maio celebramos unha convivencia deportiva co alumnado do colexio Inmaculada, de Sta Comba. Neste resumo podedes comprobar o bo ambiente e as diferentes actividades practicadas: baloncesto, futbol, voleibol e como non o pano para rematar a mañá. Moitas grazas a todos pola participación lúdica nesa mañá solleira.

RADIO BEMBIBRE

 Temos o pracer de presentarvos un novo proxecto no que estamos inmersos, xa temos radio no cole!!! Levamos tempo formándonos para poder dar o mellor de si desta nova e motivante ferramenta. 

Imos deixar aquí o enlace para que poidades encontrar todos os podcast que imos ir gravando. Vai haber moita variedade de temas, asique animádevos a escoitarnos que seguro botades unhas risas e aprendedes moito!!!

Esperamos que vos guste!!!

FAI CLIC AQUÍ

DÍA DO LIBRO: APADRIÑAMENTO LECTOR

Que bonito día tivemos para o día do libro e para facer como todos os anos o apadriñamento lector. 

Desfrutamos léndolle contos aos nosos afillados e afilladas. Aquí vos deixamos proba dos momentos tan máxicos que se crearon cun conto de por medio. 

Os afillados e afilladas agradeceron a lectura cunha flor, un clavel.

Xornada intercomarcal de Cros

 A localidade de Noia acolleu a fase intercomarcal de cros. Unha maña intensa con bo ambiente, bo tempo e onde o deporte e os máis de 700 deportistas foron os protaganistas.

Desfile entroido 2024

 A mellor festa do ano, a do Entroido!! Xa podedes ver un pouquiño do desfile que tivo lugar no pabillón en Bembibre por mor da choiva. Tamén tendes o enlace ás fotos subidas. 

Desfrutade moito destos días!!!!

Fai clic para ver as fotos

SAVE THE CHILDREN

 A carreira solidaria recaudou un total de 795,83€. Dende Save the children dannos as grazas a toda a comunidade por colaborar!!! Graciass familias!!

Mandatos do Meco

 Xa chegou o entroidooo!! E con el os mandatos do Meco. Asique aquí vos deixamos os complementos que tendes que traer durante toda a semana que ven! Que ben o imos a pasar!! Viva o entroido!!!!

DÍA DA PAZ E CARREIRA SOLIDARIA

 Hoxe foi un día tan intenso como especial. O día da PAZ sempre o é. 

Primeiro comezamos coa solta de globos biodegradables que a cativada tanto lle gusta. Despois cantamos a canción "Vivan las manos de colores", e finalmente realizamos a carreira solidaria a favor de Save the children. 

Na conta de instagram podedes ver todo con máis detalle pero se facedes clic no seguinte enlace tamén tendes unha morea de fotos para coñecer o noso día.

Xornada de convivencia

 O 19 de decembro tivo lugar unha xornada de convivencia multideportiva entre o alumnado do CEIP Pepe de Xan Baña e o alumnado do CPI de Bembibre. Grazas ao alumnado de Traba-Castriz polo seu recibimento e amabilidade. Vémonos noutra!!