UNHAS TABLETS PARA O COLE!

Como recordaredes, o ano pasado quedamos segundos no programa de Sogama "Remexendo conciencias". Co premio pensamos en mercar unhas tablets!! Así poderemos achegar o noso cole un pouquiño máis ao mundo virtual. Os primeiros en usalas foron os alumnos de Infantil 5 anos. Que divertidas se fan as sumas na tablet! 

                                      

Premiados relatos de medo

Hoxe, fíxose entrega aos premiados, agasallos pola súa participación no concurso de relatos de medo que convoca o Equipo de Normalización e Dinamización Lingüística.

Video concurso de vasoiras

Aquí vos deixamos un pequeno video coas fotos das vasoiras e os pequenos bruxos e bruxas montados nelas!!

Gañadores concurso vasoiras

Foi un éxito absoluto a participación!! Grazas a todas as familias pola súa implicación e por entender esta actividade como algo positivo no que disfrutar cos nosos fillos e pasar un bo momento facendo cousas xuntos!! 

CONCURSO CARTEL ENTROIDO

Pistacho xa está pensando en disfrazarse. Tanto lle gusta o entroido que pensou en facer un concurso. 

Os que queirades participar tendes que elaborar un cartel para anunciar o entroido no cole. Lembrade entregalo antes da data límite. 

O gañador terá a satisfacción de ver o seu cartel por todo o colexio.

MONSTROS PREMIADOS!!!

ENTREGA DE PREMIOS CONCURSO DE MONSTROS

MARTES 31 NA HORA DO RECREO PEQUENO

Monstros monstruosos!!!

Gracias a todos e todas por haber participado no concurso de monstros para o Samaín. Debido a gran participación, calidade e orixinalidade das aportacións e para agradecervos o gran traballo realizado xunto cos vosos fillos, estarán expostas na entrada do colexio durante dúas semanas. Vide a velas cando queirades, dentro do horario lectivo (excepto de 14.30-15.00).

Concurso Carlos Casares

Aquí están os participantes e gañadores do concurso de preguntas de Carlos Casares. Todos tiveron agasallos para recompensar o seu esforzo buscando as pistas por todo o cole. 

PARABÉNS A TOD@S!!

LETRAS GALEGAS 2017

Xa queda pouco para celebrar o día das Letras Galegas no CPI de Bembibre. Este ano, como sabedes, adícaselle a Carlos Casares. Nós temos preparadas moitas cousiñas para conmemorar o día.

Entre elas, esta que vos vou contar. 

Queres participar neste concurso? Anímate e busca as pistas que hai por todo o cole. Cantas máis preguntas contestes máis posibilidades hai de gañar!!!

III CONCURSO DE MONICREQUES

ANIMÁDEVOS!!!! Este ano queremos que participen tamén as FAMILIAS!!!!

 

CONCURSO DE MONICREQUES

Dende a biblioteca, o Loro Pistacho ten algo que anuciarvos: o vindeiro mes de abril poderedes participar nun concurso de monicreques por equipos. Estas son as bases, toma nota:

• formar un equipo (de dúas persoas mínimo) e anotarvos durante o mes de marzo na biblioteca coas profes Vanessa, Noelia, Ana de Infantil, Varela ou Ana de Inglés.
• podedes inventar unha pequena obra de teatro ou ben escoller un conto (Caperucita, Os tres Porquiños…) para representar.

• tendes que “fabricar” os personaxes a modo de monicreques para poder representar a obra no miniteatrillo da biblioteca. Podedes usar calcetíns vellos, debuxar os personaxes vos mesmos en cartulina, usar plastilina ou calquera material de refugallo, culleres de plástico, peluches, monicreques que xa temos na biblioteca… (podedes pedir axuda as profes encargadas da biblioteca)
• tedes de prazo todo o mes de marzo para prepararalo.
• durante o mes de abril, representarase no miniteatrillo da biblioteca para os demais compañeiros.
• a obra que máis guste será premiada!!

ANÍMASTE?

E co inverno chegou o Nadal

Non podía faltar a decoración das nosas portas e da nosa biblioteca. Ata Pistacho se puxo de gala e nos recomendou unha morea de libros de Nadal, entre eles a historia do Papanoel galego, sabedes como se chama? Pois o Apalpador. 
Nestes días de Nadal os nenos tamén poideron participar nun concurso de postais, e coma sempre abraiáronnos coas súas creacións. Velaquí algunhas das gañadoras.

Un samaín de medo!!!

No mes de outubro celebramos o Samaín. E para iso decoramos o cole e sobre todo a nosa biblioteca. Mira que ben ambientadas quedaron as nosas portas!!! Tamén fixemos un concurso de caretas. Estes nenos son todos uns artistas, que medo daban!!