Magosto

Hoxe celebramos o Magosto!! O tempo dounos unha tregua e poidemos asar e comer as tan desexosas castañas. Iamos preparados cos  nosos castañeiros para enchelos delas.

Tamén aproveitamos que estabamos todos xuntos para anunciar os premiados dos relatos de medo. Noraboa a todos!!

Clicade na imaxe para ver as fotos.

Visita ao concello de Val do Dubra

Esta semana as nenas e nenos de segundo coñecemos o concello por dentro. Fomos cunha misión moi importante da que pronto vos chegarán noticias!! Aprendemos moitiiisimo e tratáronos moi ben! Moitas grazas ao alcalde e ao seu equipo por recibirnos!
Se queredes ver unha pequena parte do que foi a visita, clicade no seguinte video!

Contacontos de Samaín

Toda esta semana na hora do proxecto lector estivemos facendo unha actividade que lles gusta moito aos nenos: os contacontos! E máis se son contados por outros nenos máis grandes!! Aquí tendes algunha foto!

Día de cine

Hoxe día das bibliotecas escolares viñemos ao cine de Pistacho! A biblio converteuse por un día nun cine coa súa taquilla e coas súas entradas.

DÍA DAS BIBLIOTECAS

Hoxe celébrase o día das bibliotecas, o 24 de Outubro. E para celebralo fixemos un spot publicitario animando a xente a ir ás biblios. Mirade que ben nos quedou. Hoxe é a estrea na biblioteca. Lembra vir coa túa entrada!!

Entrega de premios da RAG

No día de onte o alumnado de 1º da ESO coas súas profes foron a recibir o premio da RAG do que vos falamos. Noraboa de novo porque dende logo é moi merecido. Aquí vos deixamos as notas de prensa.
Tamén tendes o enlace á páxina da RAG.

Ir a RAG

Etapa 1: Allariz- Ourense

Este venres 11,  o alumnado de 5º e 6º de primaria, o alumnado de Secundaria e 5º e 6º de Portomouro, emprenderon unha etapa do Camiño Sanabrés, que forma parte da Vía da Prata. Este camiño sae realmente dende Sevilla. 

Pero eles saíron dende Allariz. Foron 22 km de aventuras e paisaxes.

Premiados polo día das Letras Galegas

Temos o pracer de comunicarvos esta noticia que saiu no Correo Galego. O alumnado do Cpi de Bembibre foi premiado pola Real Academia Galega.

O curso pasado o alumnado de 6º de primaria realizou unha obra de teatro grazas a súa mestra Lucinda. Esta obra de teatro sobre a vida de Antón Fraguas, estreouse o día das Letras galegas. E foi gañadora  entre máis de 80 colexios do concurso ""Contádenos o voso día das Letras Galegas". O vindeiro 15 de outubro, terán que ir a recoller o premio que lle otorga a Real Academia Galega.

Noraboa aos actores e actrices e sobre todo á artífice de todo isto, a mestre Lucinda!!!

Se clicades na imaxe, accederedes a toda a noticia.

COIDALIBROS

Este ano estreamos COIDALIBROS!!! Están con moitas gañas de empezar e axudarnos a todos a usar a biblioteca e a facernos préstamos de libros para levar a casa.

Tamén como novidade, teñen unha equipación nova!!! Mirade que ben se lles vai ver este ano!!!

Hoxe abrimos a biblio

Pistacho está moi contento porque chegou o día de abrir e de comezar un ano cheo de moitas sorpresas e aventuras.

 E tamén comezan a andar as MOCHILAS VIAXEIRAS!! Disfrutade moito delas e coidádeas moito!!