Este venres vivimos unha xornada moi especial no cole na que mesturamos a maxia do Samaín coa tradición do Magosto. Foi un día cheo de diversión, creatividade e, por suposto, moitas castañas!
Comezamos a celebración co Samaín, no que os nenos e nenas participaron en diferentes talleres polas aulas. Organizados en grupos, foron rotando polos distintos espazos para desfrutar de actividades moi variadas: un taller de cociña, creación de monstros, elaboración de pocemas máxicas, pasatempos terroríficos, curtas de medo, manualidades con madeira,…Houbo tempo para experimentar, crear, imaxinar e deixar voar a creatividade!
Despois de tanto traballo e diversión, chegou un dos momentos máis agardados: saímos ao patio para compartir unhas deliciosas castañas e celebrar xuntos o Magosto, mantendo viva esta fermosa tradición do outono.
Foi unha mañá estupenda na que non faltaron os sorrisos, a ilusión e as ganas de pasalo ben.
