Nestes últimos días antes das vacacións vivimos no cole momentos moi especiais cheos de ilusión, risas e espírito de Nadal.
Recibimos a visita de Papá Noel, que chegou cargado de maxia e sorrisos, e tamén dos Paxes Reais, que escoitaron con moita atención os desexos de nenos e nenas. Foi unha experiencia moi emocionante para todo o alumnado.
Ademais, celebramos as nosas particulares badaladas, despedindo o ano xuntos dunha maneira moi divertida, e puxemos o broche final cun festival de Nadal, no que o alumnado amosou todo o seu traballo, esforzo e ilusión a través de cancións, bailes e actuacións cheas de cariño.
Grazas a todo o alumnado, profesorado e familias por facer posible estes momentos tan especiais. Agora toca descansar, gozar en familia e volver con enerxías renovadas.
✨ Bo Nadal e feliz ano novo para todos e todas ✨
https://photos.app.goo.gl/Pmg3cFkXKnUevn6p9
Ningún comentario:
Publicar un comentario