Minuto de silencio

Non podemos máis que demostrar co noso minuto de silencio que estamos en contra da violencia de xénero. Por desgracia, hoxe tivémonos que xuntar para recordar as 3 vítimas de onte no concello de Valga. Mulleres que lles foi arrebata a vida en presencia de dous nenos. 

Toda a comunidade educativa do CPI de Bembibre  concentrouse en sinal de repulsa.

NON MÁIS MORTES, NON MÁIS VIOLENCIA MACHISTA.

Alumnado curso 2019/2020

Aquí vos presentamos ao alumnado que temos este curso!! E como non podía ser de outra maneira, están acompañados polos seus profes!!

Mirade que contentos están e con que enerxías comezamos o curso!!

Benvidos ao curso 2019/2020

Benvidos e benvidas ao curso 2019-2020!

Pistacho tiña moitas ganas de que o alumnado de Bembibre volvera ao cole porque se sentía moi só na biblioteca!!

 Espéranos un curso cargado de experiencias, sorpresas e novas aprendizaxes! Vide coas pilas  cargadas porque imos a facer unha morea de cousas.

En breve vos iremos contando novidades.

Feliz curso piratas!!!!

Karaoke de Fin de Curso

Como cada ano, o pasado xoves celebramos o karaoke de final de curso onde participaron voluntariamente numerosos alumnos e alumnas de tódolos cursos do cole...e algún profe tamén!

Dentro vídeo!

VÉMONOS EN SETEMBRO...BOAS VACACIÓNS!

Graduacións!!

Finalizou o curso, e con el péchase para algúns alumn@s unha etapa escolar. Neste curso promocionarán para primaria os peques da profe Patricia. Para celebralo, amenizáronnos a súa graduación con este baile. . . 

Os máis maiores este ano, @s alumn@s da profe Amara, Vanessa e Águeda, tamén quixeron divertirse e facernos sorrir coa súa posta en escena. Que ben o pasamos!

Tamén vos deixamos un enlace a tódalas fotos que realizamos:

Homenaxe do alumnado de 1º A a Alba Mancebo e o seu #InstaGal

Hai uns meses que os nenos e nenas de 1º curso A do CPI de Bembibre comezaron a participar nunha iniciativa de dinamización da lingua galega que leva a cabo a TVG nas súas redes sociais.

Como estamos a rematar o curso, decidimos homenaxear ao #instagal (que tantos termos novos lles aprendeu) así como á xornalista Alba Mancebo (que colaborou de xeito desinteresado cos profes ao longo de todas estas semanas).

E non se nos ocorreu mellor idea que facer o noso particular #BembibreGal

Dentro vídeo!

Aquí tamén podedes ver o saúdo que Alba Mancebo lles enviou aos nosos nenos e nenas hai unhas semanas (min 1:10 aprox):

"Memorias dun neno labrego"

O alumnado de 6ºB quere mostrarnos unha actividade de aula que lles quedou moi chula. Unha montaxe ilustrada sobre "Memorias dun neno labrego", de Xosé Neira Vilas. Mirade que ameno e vistoso lles quedou!!

Datchball!

Aquí vos deixamos unha pequena mostra do campionato interno de Datchball que acaba de rematar. Estivo moi emocionante ata o final. Felicitar a tod@s pola participación e, como non, aos campións TEAM XD. Ata o próximo!

Excursión a Marcelle!

O alumnado de terceiro e cuarto curso de primaria, visitou este pasado venres o "Parque zoolóxico de Marcelle". Ademais de aprender moitas cousas dos animais e da natureza, tamén se divertiron un montón!

Novo postre viaxeiro!

Xa case rematando o curso, aínda nos quedaba un postre na aula de tres anos por probar. Carlota e a súa familia foi a que nos deleitou con un boísimo biscoito. Gracias familia, relamemos os dedos. . .

Excursión ao Parque Multiaventura en Padrón!

O alumnado de quinto curso realizou unha divertida excursión ao Parque Multiaventuras en Padrón. Se queredes ver que ben o pasaron, pincha no enlace da foto!

Entrega de premios concurso monicreques!

Hoxe fixemos a entrega de premios do concurso de monicreques deste ano.
- Na categoría de mellores monicreques e escenarios:
                                                   

"As gatiñas aventureiras"

"La brujita Mimí"

-Na categoría de mellor relato:

"O circo do revés"

"Os sete ratos cegos"

E premio a mellor obra de minicreques en conxunto:

"As tres amigas e o monstruo"

Agradecemento para tódolos participantes e espectadores, para o ano máis e mellor:

"O circo do revés"

Este xoves disfrutamos da última actuación do concurso de monicreques. As alumnas de sexto Lucía, Carla e María trouxéronnos unha actuación cargada de valores e humor.

Excursión Castro de Borneiro!

Este venres, o alumnado de infantil, pasou un espléndido día de sol de excursión pola comarca de Bergantiños. En primeiro lugar, visitaron o Castro de Borneiro e puideron de ver de primeira man tódalas cousiñas que aprenderan na aula. Logo, aproveitando o bo tempo, acercáronse á praia de Balarés (Ponteceso). No seu amplio pinar comeron, e de sobremesa, realizaron uns xogos moi divertidos na sombra co profe Antonio. E, como non podía ser menos, non podían marchar da praia sen xogar coa area e refresercar os pés na auga!!! Pasárono pipa!!

Antón Fraguas!

O alumnado de 6ºA, coa axuda da mestra Lucinda, prepararon unha obra de teatro para homenaxear ao autor das Letras Galegas deste ano, Antón Fraguas. Todo o alumnado do centro o poidemos desfrutar en directo, polo que vos deixamos un vídeo para compartilo convosco. Un merecido aplauso para tod@s el@s que o fixeron como auténticos profesionais!