OS RETOS DE PISTACHO

Como non queremos que vos aburrades nada nestes días de confinamento, a Pistacho ocorréuselle que podemos crear probas ou retos que poidamos facer na casa para pasar o rato e divertirnos. E de paso estamos todos en contacto!

É moi sinxelo! Só tendes que estar atentos cada semana aos retos que vos propón Pistacho. Serán 3 cada semana (anunciarémolo os luns). Tendes esa semana para poder realizalos. E o máis importante: queremos proba diso! 

Só tendes que subir o vídeo ou foto realizando o reto!! Xa veredes que divertido!

Se algún non quere facer algún reto ou non pode, non pasa nada, pode facer só os outros. 

Se algunha familia non da subido a foto ou vídeo, que se poña en contacto con nós no correo da biblio: bibliobembibre@gmail.com

Para subir a foto ou vídeo, temos esta app que se chama Padlet. É un muro onde vai ir aparecendo o que colgamos. Só tendes que darlle o icono de + que aparece abaixo, na esquina dereita. Aí xa vos saen as opcións para poder subilo. Só poden subir as fotos ou vídeos os pais/nais do alumnado.
Todos os retos serán anunciados no muro! Os vídeos limitamos a duración a 15 segundos.

ANIMÁDEVOS FAMILIA!

Que é o coronavirus?

Non vos perdades este video no que o alumnado de 2ºA nos explica que é este virus, como se contaxia e como podemos combatelo!!!!

8 de Marzo-Día da muller

Hoxe 8 de marzo, día da muller, xornada para reivindicar a igualdade de xénero. No cole organizamos unha charla- coloquio este pasado venres, con dúas mulleres que saben ben disto: Lucía Otero, adestradora do Depor da Liga Genuine ( xogadores con discapacidade intelectual). E Elena Casal, árbitra da Primeira División Femenina de España.

Gracias a elas, tivemos unha charla moi interesante sobre o seu traballo e como lle costou chegar ata onde están. Tamén nos fixeron ver que ainda queda moito por loitar para mellorar as condicións da muller e loitar pola superación dos atrancos.

BÚSCASE

Búscanse MEDIADORES DO PATIO que saiban axudar a resolver conflictos aos compañeiros/as, restablecendo a comunicación, axudando a comprenderse e a traballar conxuntamente ata alcanzar acordos mutuamente satisfactorios.

Serás un bo candidato se tes desexo por axudar a outros compañeiros/as, facilidade de palabra e se eres paciencia e mantés a calma. Tamén fai falla un pouco de sentido do humor. E sobre todo estar disposto a comprometerse co programa de mediación durante este curso escolar.

DATCHBALL

Aquí vos deixamos unha mostra do ben que o pasamos no campionato de Datchball que se creou no colexio dende principio de curso.

DÍA DE ROSALÍA

Hoxe, 24 de febreiro, dedícaselle este día á gran escritora galega, Rosalía de Castro. Para celebrar este día, no cole fixemos unha obra de teatro e un recitado de poemas. Mirade que gran traballo!!! Ata nos viñeron visitar a mesmísima Rosalía e Manuel Murguía!!

A continuación , mostrámosvos un video realizado polo alumnado formando as letras do nome de ROSALÍA. Quedou moi vistoso!!!

ENTROIDO ROMANO

Que día tan bo fixo para saír polas rúas de Bembibre a ensinar os nosos disfraces romanos. Aquí vos deixamos fotos e un video do ben que o pasamos!!!

AS MULLERES DO ENTROIDO

Aquí vos deixamos as fotos do noso precioso mural da entrada. Vinde a velo, porque descubriredes o bonito e interesante que é o entroido en Galicia. E xa non digamos o importantes que son as mulleres nel.

Día do amor e da amizade

Mandatos do Meco

Aquí vos deixamos os mandatos do Meco. Lembrade que os complementos non teñen porque ser de temática romana.

Achégase o día

Campo a través

Aquí neste video podedes ver o emocionante que foi o campionato intercomarcal de Campo a través en Noia. E como os nosos pequenos e pequenos trouxeron unha copa para o cole!!!!

Día da Paz

Aquí vos deixamos fotos de como foi o noso día da Paz. O alumnado de 6º leu un manifesto. A continuación cantamos entre todos a canción de "Somos capitáns",  e finalmente fixemos algo que nos gusta moito todos os anos: a solta de globos con mensaxes de paz.
Tamén vos deixamos a pancarta do debuxo gañador que foi para Carla de 2º.

Todos somos capitáns

Esta é a canción do DÍA DA PAZ deste ano. "Todos somos capitáns" de Magín Blanco. Aquí podedes ver aos nosos nenos e nenas cantándoa e interpretándoa con lingua de signos.

Fase comarcal Campo a través A Baña

Aquí vos deixamos este video-resumo da fase comarcal de campo a través celebrada na Baña no mes de decembro.
 Ide quentando motores para a fase intercomarcal que se vai celebrar en Noia.