Receitas do mundo

 Durante este último mes fixemos unha actividade moi divertida en 3º de Primaria. Cada un de nós trouxo unha receita dun país diferente para ensinarlla aos demais… ¡e tamén a cociñamos para que toda a aula a poidese probar! 🍪🥗🍰

Pasámolo xenial descubrindo comidas de moitos lugares do mundo e probando novos sabores. Todos estabamos moi emocionados e con moitas ganas de compartir o que fixeramos coas nosas familias.

Agora queremos ir un pasiño máis alá: imos facer un programa de radio para gravar todas as receitas e contar as nosas experiencias. 🎤 Vai ser xenial escoitarnos falando de tantas comidas ricas!

 Moitas grazas ás familias pola súa axuda e colaboración. Sen elas, esta viaxe polo mundo a través da cociña non tería sido posible! 🌍

Aquí tedes un pequeno vídeo con algunhas das fotos desta actividade tan saborosa.

Magosto e Samaín

 Hoxe celebramos no colexio o Samaín e o Magosto cunha xornada chea de diversión, creatividade e sabor!

Durante o Samaín, o alumnado de Infantil e Primaria participou en diferentes obradoiros: fixemos máscaras terroríficas, pócemas máxicas, cabazas divertidas, arañas de medo e moitas outras actividades que nos fixeron pasar un día moi especial. O cole encheuse de cores, risas e moita maxia! 🕸️🧙‍♀️

E para rematar, celebramos tamén o Magosto, compartindo castañas e bos momentos coas nosas compañeiras e compañeiros. 🌰🔥

Deixámosvos aquí o enlace para ver todas as fotos da xornada, para que poidades revivir o ben que o pasamos:

https://photos.app.goo.gl/42my4J966GUgCh3w5

Fotos Sarria-Portomarín

No seguinte enlace tendes algunhas fotos da 1 etapa do Camiño de Santiago. Foi unha xornada intensa e chea de esforzo, con subidas, baixadas e moitos quilómetros por diante… pero conseguímolo! 💪 Rematamos cansos, pero felices, orgullosos de cada paso e da forza do grupo. ¡Unha gran aventura que acaba de comezar!

Camiño de Santiago

Este venres comezaremos unha nova aventura, o alumnado de secundaria e 5º e 6º de EP realizará por etapas o camiño francés dende Sarria. Aquí vos deixamos algunhas curiosidades sobre as etapas que imos realizar. BO CAMIÑO!!

Presentación - Camiño de Santiago

50 anos de historia, aprendizaxe e emocións no noso colexio

 O pasado venres celebramos unha data moi especial: o 50 aniversario do noso colexio. Foi unha festa inesquecible, chea de emocións, reencontros e moitas lembranzas compartidas.

A celebración reuniu a numerosos ex-alumnos e ex-profesores, que volveron ao centro para lembrar tempos pasados, contar anécdotas e comprobar como o colexio medrou e cambiou ao longo destas cinco décadas.

Durante o acto houbo momentos de homenaxe, música, risas e tamén moita emoción, especialmente ao ver xuntas persoas que formaron parte da historia do colexio en diferentes etapas.

Desde a biblioteca queremos dar as grazas a toda a comunidade educativa —pasada e presente— por facer posible esta historia que seguimos escribindo día a día.

Foron 50 anos cheos de aprendizaxe, amizades e experiencias, e seguimos mirando cara ao futuro con ilusión e co mesmo espírito de sempre.

Parabéns a todos e todas!

Seguimos a facer historia, tamén dende a nosa biblioteca 📚✨

Aqui vos deixamos fotos deste día tan especial

Fotos de grupo 2025-2026

 Xa estamos todos!! 

Xa vos podemos presentar todo o alumnado do curso 2025-2026. Arrancamos!!!

https://photos.app.goo.gl/3BTWHPvPDEwVvv9X6

50 cursos 50 xeracións

 E aquí estamos, o cole do Cpi de Bembibre, que cumple 50 anos da súa inauguración. E como non podía ser doutra maneira, tiñamos que organizar algo para celebralo.

Neste tríptico que vos mostramos, podedes ver todas as actividades que se foron realizando ao longo do curso pasado e no inicio deste.

Tendes todo colgado neste recuncho e tamén na páxina web do cole e no Instagram!.

Desexando vervos a todos e todas o día 10 de outubro!!!

Triptico 50 Cursos/50 xeracións

Leer más publicaciones en Calaméo

MERENDAS SAUDABLES

Este curso imos propoñer MERENDAS SAUDABLES para todo infantil e primaria. Queremos promover que o noso alumnado coma ben e variado. Pedímosvos colaboración dende a casa para animar aos cativos a seguir esta táboa. Dámosvos exemplos por se vos serve!!

Benvidos ao curso 2025/2026

 Un aniño máis, por aquí estamos. Con moitas gañas e ilusións de comezar un novo curso que estará cheo de aventuras e novas aprendizaxes!!!

Benvidos e benvidas ao Cpi de Bembibre.

Aquí vos presentamos a Pistacho, a nosa mascota da biblioteca.

Despedida do curso 2024-2025

 Chega o final dun novo curso, e con el, un tempo para parar, mirar atrás e valorar todo o vivido.

Foron meses cheos de aprendizaxes, emocións, esforzo, superacións e moitos momentos compartidos. Cada alumno e alumna, en cada etapa, puxo o mellor de si para seguir medrando, e nós, como equipo educativo, acompañámolos con ilusión, dedicación e cariño.

Este curso deixounos grandes recordos: proxectos ilusionantes, festas, saídas, descubrimentos, conversas, abrazos e sorrisos. Momentos que constrúen escola e que deixan pegada.

Queremos dar as grazas a todo o alumnado por ser a alma do colexio, ás familias polo apoio e a confianza, e ao profesorado e persoal do centro polo seu compromiso diario. Somos unha comunidade que camiña unida, e iso nótase en cada pequeno xesto.

Agora chega o tempo de descansar, de gozar da familia, da natureza, dos amigos e da calma. Que teñades un verán marabilloso, cheo de alegría e momentos inesquecibles.

Voltaremos en setembro con novas ilusións e moitas ganas de seguir aprendendo xuntos.

Bo verán a todos e todas!

Graduacións

 Aquí vos deixamos unhas fotos das graduacións de infantil e de primaria. Momentos máxicos vividos que quedarán no recordo. Gracias a todos por formar parte deles.

Desexámosvos o mellor nesta nova etapa pequenos e pequenas. Gracias por formar parte da nosa historia.

https://photos.app.goo.gl/uQhRhJWEz5rbPfWZ8

Saimos na Voz de Galicia

 Despois da gran ruada das Letras Galegas que tivemos o outro día aquí no cole con Nieves e Manuela, dúas pandereteiras e cantareiras de aquí de Val do Dubra e máis o grupo Regueifa onde os nosos nenos e nenas tocan e bailan, non podía faltar que esta festa fora contada nun xornal para toda a comunidade. Aquí estamos, bailando, cantando e disfrutando da nosa cultura e a nosa xente!!

Noticia da Voz d e Galicia do 27 de maio de 2025

https://www.lavozdegalicia.es/noticia/santiago/val-do-dubra/2025/05/27/span-langglcantaba-cun-feixe-herba-na-cabezaspan/0003_202505S27C6991.htm

VÍDEO DRON 50 ANIVERSARIO

 Seguimos tramando cousiñas para festexar os 50 anos do colexio. E non se nos ocorreu mellor maneira que pintar de branco o noso patio. Pero pintalo de unha forma especial. Con todas as nosas camisetas brancas. 

Entre todos fixemos, cos nosos corpos, unhas datas que representan moito para nós: 1975-2025.

Mirade que impresionante quedou!!!

Letras Galegas 2025

 Este ano as letras galegas son moi especiais, porque nos tocan de cerca xa que se adican as cantareiras e pandereitas que levan toda a súa vida espallando o galego. Dándolle a importancia que ten a poesía popular oral que acompañou a nosa sociedade dende sempre.

Aquí en Val do Dubra, nos tamén temos moitas cantareiras e pandereteiras. E como non, fixemos unha ruada con elas. Tivemos a sorte de contar coa presenza de Manola de Parente e Nieves de Oreira e co noso alumnado do grupo Regueifa tocando a pandeireta e bailando. Fixérono tan ben que lle agradecemos de corazón que nos fixeran pasar unha xornada tan especial!

5º EDICIÓN XORNAL O PICOTO

Coincidindo co día das nosas Letras Galegas, temos o pracer de ensinarvos o noso xornal deste curso, O PICOTO. Unha quinta edición chea de novidades, noticias, información,... Que non vos podedes perder, xa que o fixemos con moito esforzo e dedicación!

Pronto o alumnado irá rotando e levando un exemplar en papel para ler coa familia.

5º Edición Xornal o Picoto

Leer más publicaciones en Calaméo

Día da familia

 Onte 15 de maio, festexamos o día da familia. E para iso estivemos creando un detalliño para levarlle a esas persoas que son tan importantes para nós. Algúns detalliños foron de comer e outros foron manualidades. Aquí vos deixamos un resumo de todo o que fixemos. As rosquillas se vos gustaron, tendes aquí a receita. 

Feliz día de todas as familias!!

O gran libro de receitas dos nosos maiores

 Libro elaborado coa colaboración das familias para recompilar receitas dos nosos avós e avoas para coñecer que se comía nos anos 70, na época na que o noso cole, abriu as súas portas. Actividade que se realizou para relacionala co aniversario dos 50 anos do colexio e para darlle voz aos nosos maiores, tan importantes nas nosas vidas.

Aquí vos deixamos o libro de receitas! Quen se anima a facer algunha??

O gran libro de receitas dos nosos maiores

Leer más publicaciones en Calaméo

50 aniversario do cole

 Ao longo deste curso e do vindeiro, cúmprense 50 anos do noso cole. Durante o curso estivemos realizando diferentes actividades relacionadas con este aniversario. Entre elas entrevistas, entroido de debuxos animados dos anos 70, receitas dos nosos avós e avoas, ... E máis cousiñas que nos quedan por facer e que vos iremos ensinando. 

Nesta entrada iremos colgando todo. Se ides ao icono da dereita do blogue onde pon 50 anos xa vos levará directamente.

Enlace á entrevista de Carmita

Enlace á entrevista de Varela

Enlace á entrevista de Manuel Baleato (antigo director)

Enlace á entrevista de Lucinda (antiga mestra)

Enlace á entrevista de Víctor, tío de José e exalumno 

Enlace á entrevista de Ana Abelenda (mestra do cole)

Enlace á entrevista de Diego Luis Díaz (alcalde de Val do Dubra)

Enlace á entrevista de Miguel, actual director do Cpi de Bembibre

SE BUSCAN VALIENTES

 Hoxe día 2 de maio, día contra o acoso escolar, ensinámosvos unha actividade moi chula que estivemos realizando estas semanas atrás. Quixemos cantar esta canción todos xuntos para demostrar ao mundo que somos todos iguais e todos importantes. Buscamos valentes que apoien e defendan ao débil!!!

E con esas frases gritámolo con todas as nosas forzas!! NON AO ACOSO ESCOLAR. 

Fixémolo con moito agarimo asi que esperemos que vos guste!!!

Convivencia deportiva

 Hoxe tivemos a visita dos nosos veciños do cole de Portomouro: Ceip Xacinto Amigo Lera, para realizar unha convivencia deportiva entre o alumnado. Tiveron a oportunidade de interactuar e xogar a diferentes actividades como baloncesto, fútbol ou brilé. 

Foi unha mañá moi gratificante na que nos coñecemos e desfrutamos xogando e merendando.

Entroido

Deixámosvos o enlace ás fotos da festa de entroido. Tivemos un día solleiro no que puidemos desfilar polas rúas de Bembibre acompañados do cole de Portomouro e da asociación Avante. Finalmente acabamos a festa no pavillón bailando coa música e animación  de Uxío e tomando chocolate quentiño. Un día xenial!

O meco manda

 O meco este ano disfrazounos de un escritor galego moi importante para a nosa lingua. Este ano é o ano de Castelao, polos seus 75 anos da súa morte. 

Pois aquí nos xuntamos con máis de 160 Castelaos!! Aquí podedes ver a foto!! 

ENTROIDO

 Xa chega o entroido e con el a festa!! Como todos os anos, vamos a poñer en marcha os mandatos do Meco. Este ano, vamos a homenaxear a un ilustre escritor que defendeu Galicia e a nosa lingua. Castelao, fai 75 anos da súa morte e este ano, é o ano de Castelao. Vamos intentar parecernos un pouquiño a Castelao  nesta semana. Aquí tendes os mandatos para que vaiades ao día.

Día da paz

 O día 30 celebramos o día da paz. Cantamos unha canción moi significativa para nós e soltamos globos con mensaxes de paz. Tamén realizamos un mural coas nosas mans decorando as paredes do noso cole. Aquí vos deixamos a proba.

https://photos.app.goo.gl/Qp5gvmwNB8dGtPCRA

Feliz ano 2025

 Feliz ano a toda a comunidade do Cpi de Bembibre!! Oxalá neste 2025 se cumplan todos os vosos desexos!! 

Aquí vos deixamos unhas fotiños do que foi o noso fin de ano!