LIBRO VIAXEIRO: "A FORZA DA NATUREZA"

Temos o pracer de presentarvos o novo libro viaxeiro que facemos entre todos. Pistacho case sempre é o protagonista. Vaivos contar en que consiste.

- O libro viaxeiro vai pasando por todas as aulas de E. Infantil e E. Primaria e entre todos imos creando unha historieta na que os meus amigos e eu corremos novas aventuras. Estes últimos anos o libro viaxeiro ten que ver co noso PDI. E neste caso, este ano tocoulle como ben sabedes ao coidado do medio ambiente.

Pois ben, aquí tendes o libro viaxeiro titulado: "A FORZA DA NATUREZA". Un título que resume moi ben todo o contido libro.

E vos preguntaredes, que fas así vestido de superheroe? Pois lede o libro e alí o descubriredes.

OBRA DE TEATRO

Aquí vos deixamos unha obra de teatro sobre Mª Victoria Moreno, como sabedes a escritora que se lle dedicaron este ano as Letras Galegas. 

O alumnado de 6º de primaria preparou coa súa mestra Lucinda unha obra de teatro baseada na vida dela.

Disfrutade véndoa neste video tanto como nós o fixemos en directo!!!

Excursión á Coruña

Chegounos un video sobre a excursión que fixo o alumnado de 1º, 2º e 3º de primaria á Coruña, visita á Domus e a torre de Hércules.

Máis medio ambiente

Durante a xornada de onte, no cole recibimos unha charla sobre a reciclaxe dos electrodomésticos e os Puntos Limpos. Tamén algunhas aulas fixeron actividades nese día. Podedes botar unha ollada ás imaxes.

DÍA DO MEDIO AMBIENTE

Hoxe, 5 de xuño, é o día do medio ambiente. Sabedes porque se celebra? O principal obxectivo de esta festividade é concienciar á sociedade da necesidade de levar a cabo un desenvolvemento sostible para preservar o medio ambiente. É necesario que todos nós, poñamos o noso grao de area para conseguir manter o planeta nas mellores condicións posibles. Iso é o que estamos facendo nós no noso cole por medio do proxecto "Remexendo conciencias"- Recíclate con Sogama. 

Para celebrar este día no cole, fixemos unha árbore creada con botóns que conteñen desexos. Desexos e mensaxes para axudar a coidar o noso medio.

Bibliokaraoke

Aquí chega o máis esperado do curso, a terceira edición do karaoke!!! Xa é todo un acontecemento no noso cole!! Tanto alumnado como mestres están desexando cantar unha canción para despedir este curso na biblioteca de Pistacho.

Vídevos anotar canto antes e a ensaiar!!!

ENTREGA DE PREMIOS MONICREQUES

Este xoves fixemos a entrega de premios aos participantes dos monicreques!! Para o xurado foi unha tarefa moi difícil pero como todos e todas o fixéstedes tan ben, houbo premios para todos!! PARABÉNS polo voso esforzo e traballo!!

Os premios foron:

MELLOR DRAMATIZACIÓN

OS MELLORES DECORADOS

AS MELLORES CON CONTIDO MORAL

OS MELLORES MONICREQUES

AOS MÁIS ORIXINAIS

PREMIO REVELACIÓN
PREMIO AO MAIOR CONTIDO FANTÁSTICO

PAISAXES DO MUNDO

Xa temos novidades no mural da entrada. Un mural ao que dedicamos os traballos e investigacións do noso proxecto: "REMEXENDO CONCIENCIAS" RECÍCLATE CON SOGAMA. 

Aquí vos mostramos unhas poucas fotos sobre o exposto neste recuncho do cole. 

TEATRIÑO DE MONICREQUES

"O PALLASO CON MEDO ESCÉNICO": Valeria, Nerea, Ainoa, Claudia, Laura, Iria (4º)

TEATRIÑO DE MONICREQUES

"A FESTA NO FAIADO": Aula de 2º

"UN MUNDO DE FANTASÍA": Eliana, Elena, Aroa e mamá de Aroa (2º)

5º ETAPA CAMIÑO DE SANTIAGO

Quinta e derradeira etapa do Camiño de Santiago. Saímos dende Pedrouzo con destino Santiago de Compostela. O día non puido estar mellor para camiñar, sen choiva e algo anubrado. 

Levamos moi bo ritmo e sobre as 16.00 h. puxemos o pé na Praza do Obradoiro. 

Foi unha experiencia moi enriquecedora e emocionante. Facer o Camiño todos xuntos, serviunos para animarnos uns aos outros e para darnos conta que cun pouco de esforzo e sacrificio podemos conseguir o que nos propoñamos. Foron 100 km cheos de vivencias e momentos inesquecibles. Vivimos Galicia e sentímola grazas as súas paisaxes e camiños cheos de beleza. 

Grazas a todos e a todas por formar parte deste camiño. E grazas aos voluntarios de Protección Civil por estar aí e axudarnos tanto!!

TEATRIÑO DE MONICREQUES

"CARAPUCHIÑA E OS SEUS LOBIÑOS": Elba, Xairo, María e Tania  (3º)

"UNHAS VAMPIRAS": Verónica, Sabrina e Claudia (3º)

TEATRIÑO DE MONICREQUES

O MONSTRO DO LIXO: Carla, Anahí, Andrea G., Lucía, Iker, Yago M. e Iria (5ºA)

ESTAMOS NA ESCOLA: Noa, Lucía, Nerea e Alba (1º)