Mochila viaxeira!!

Que alegría lle dá a Pistacho ver que vos gusta tanto a Mochila viaxeira que vos ten preparada cada ano!!

Aquí tedes un video de como recibiron na casa de Carmen de 1ºB a mochila viaxeira!! Moitas grazas ás familias por participar nesta actividade!!!

Tapóns solidarios

TRAXES DE SUPERHEROES

Fundación Amigos de Galicia emprende en colaboración con Amencer-Aspace unha campaña de recollida de tapóns solidarios para proveer ao centro dun PROGRAMA SPIDERSUIT, de cara a poder proporcionar aos menores do centro de Amencer-Aspace e aos nenos e nenas derivados/as por Fundación Amigos de Galicia dun programa personalizado de fortalecemento intensivo e personalizado para menores con trastornos neuromotores. 

O Programa Spidersuit está previsto de cinco traxes distintos - con cinco tallas para garantir o acceso a todos os menores- poleas e o sistema de Unidade de Exercicios Universal; e ten un custo de 12.537,67€, que serán costeados por Fundación Amigos de Galicia mediante campaña de recollida de tapóns de plástico. 

Para iso será preciso recadar a cantidade de 47.782.453 unidades de tapóns de plástico.

Un dos puntos de recollida máis cercano é a Casa consistorial de Val do Dubra. 

Entre todos podemos conseguilo!! Colabora

Tendes máis información se clicas na imaxe.

PREHISTORIA EN GALICIA

O NOVO PROXECTO PARA INFANTIL E PRIMARIA DA BIBLIOTECA DE PISTACHO

A prehistoria é un período de tempo no que evolucionaron os seres humanos antes do ceñecemento da historia escrita. 

Segundo as tradicións galegas, debaixo dos nosos xacementos prehistóricos, castros, dólmenes, petroglifos,...ocúltanse os mouros, personaxes fantásticos con poderes máxicos e grandes tesouros.

Neste curso, coa axuda de todos, queremos descubrir os segredos que se ocultan nos xacementos galegos. Promete ser un proxecto intrigante, cheo de novas experiencias e sensacións e ao mesmo tempo que nos axude a aclarar un período da nosa historia tan descoñecido e escuro.

Acompañádenos e viaxade connosco aos monumentos que van traballar e descubrir os nosos alumnos.

Estes monumentos son:

INFANTIL- Castro de Cabana

1ºA- Campo Lameiro

1ºB- Castro de Santa Trega

2º- Castro do Penedo

3º-Dolmen de Dombate

4º-Castro de Viladonga

5º- Dolmen de Axeitos

6ºA- Castro de Baroña

6ºB- Monte Facho

Receitas viaxeiras

Empezamos un novo curso, pero hai tradicións e costumes que seguiremos facendo, como as receitas viaxeiras. 

Mandádenos as vosas receitas e experiencias que vivistes coas mochilas viaxeiras!!!

Nesta ocasión, Carmen de 1º B, trouxo unhas riquísimas magdalenas en forma de moucho!! Mirade que bonitiñas!!

Magín Blanco

Hoxe visitounos no auditorio de Bembibre, Magín Blanco, que nos veu a presentar o seu libro-disco: "Camiños".  Este libro é unha metáfora da vida, onde conflúen música, teatro, poesía e contos, para estimular e enriquecer a imaxinación e a creatividade dos nenos/as.

Mirade que ateigado estaba o auditorio!!!

Mochilas viaxeiras en marcha!

ALUMNADO CURSO 2018/2019

Benvidos e benvidas ao curso 2018/2019

Benvidos ao curso 2018/2019

Ola a todos e a todas!!!

Benvidos a un novo curso no CPI de Bembibre. 

Como esperades, no cole estanse cocendo grandes proxectos e novas experiencias coas que vos sorprender. Vai ser outro ano intenso!! Con grandes actividades para aprender e divertirse ao mesmo tempo. 

Sen máis, vémonos neste recunchiño da biblioteca de Pistacho!! Un saúdo amigos!!

2º PREMIO "RECÍCLATE CON SOGAMA"

Estamos moi contentos, xa que nos comunicaron que o CPI de Bembibre foi galardoado co 2º premio de Galicia no programa do Plan Proxecta "RECÍCLATE CON SOGAMA". Dar as grazas a toda a comunidade educativa por participar e colaborar neste proxecto "REMEXENDO CONCIENCIAS". Xa estabamos moi contentos de todo o que se conseguiu, tanto na concienciación do alumnado polo coidado do medio ambiente, como en todas as novas prácticas realizadas no cole para a reciclaxe!!! Estamos moi orgullosos deste premio!! Seguiremos traballando para que todo o conseguido siga funcionando nos vindeiros cursos!!!

Enlaces coas notas de prensa: 
http://www.edu.xunta.gal/centros/cpibembibre/node/663 

http://www.sogama.gal/gl/noticia/o-colexio-divina-pastora-de-ourense-ga%C3%B1ador-do-programa-rec%C3%ADclate-con-sogama-2017-2018

 http://galiciahoxe.com/area-de-compostela/ecg/premios-olalla-linares-cpi-dubres-bembibre/idEdicion-2018-06-22/idNoticia-1122575/

BIBLIOKARAOKE

GRADUACIÓNS

Hoxe estivemos de graduacións no cole, e por partida triple!
A aula da profe Ana, infantil B, a aula da profe Noe, de infantil C e a aula da profe Lucinda, 6º de primaria, tiveron que traballar moito para preparar o día de hoxe e celebralo como se merece!! Tivemos bailes, videos e ata unha obra de teatro. E como non, a entrega de diplomas e orlas!!!
Botade un ollo aos videos e ás fotos porque foi un día moi especial e emotivo!!

EXCURSIÓN 1º e 2º de primaria

Excursión que realizaron os nenos e nenas de 1º e 2º de primaria a: 

TORRES DO ALLO

CASTRO BORNEIRO

DOLMEN DE DOMBATE

MUSEO MELGA

Aquí tendes un video que demostra o ben que o pasaron!!

Visita guardería

Hoxe tivemos unha visita moi especial. Mirade!!!

HORTO DA CONCIENCIA

Hoxe tocou desenterrar o que enterramos fai un ano. Lembrades que enterramos diversos materiais para saber se son biodegradables ou non? Pois este experimento chegou a súa fin e hoxe por fín descubrimos que materiais se desintegran e cales non. E chegamos a conclusión de que a materia orgánica como as mondas das mazás e laranxas, papel hixiénico e o papel son biodegradables. Sen embargo, as toallitas, os plástico, o vidro, os bricks,... non desaparecen e pola contra se os botamos ao solo alí se quedarán milleiros de anos contaminando o medio. Agora, reflexionade e pensade para onde temos que botar o lixo.

Facede clic na imaxe para ver as fotos

Auxiliar de conversa

Durante este curso contamos coa auxiliar de conversa, Shelby Kobs chegada dende  Estados Unidos, Illinois . Con ela aprendemos máis cousiñas sobre o inglés,  cantando, lendo libros e xogando. Aquí vos deixamos dous audiolibro que fixo para que practiquedes a pronunciación e algunhas fotiños con todos nós! Gracias Shelby e boa viaxe!!!