Contacontos de Samaín

Toda esta semana na hora do proxecto lector estivemos facendo unha actividade que lles gusta moito aos nenos: os contacontos! E máis se son contados por outros nenos máis grandes!! Aquí tendes algunha foto!

Día de cine

Hoxe día das bibliotecas escolares viñemos ao cine de Pistacho! A biblio converteuse por un día nun cine coa súa taquilla e coas súas entradas.

DÍA DAS BIBLIOTECAS

Hoxe celébrase o día das bibliotecas, o 24 de Outubro. E para celebralo fixemos un spot publicitario animando a xente a ir ás biblios. Mirade que ben nos quedou. Hoxe é a estrea na biblioteca. Lembra vir coa túa entrada!!

Entrega de premios da RAG

No día de onte o alumnado de 1º da ESO coas súas profes foron a recibir o premio da RAG do que vos falamos. Noraboa de novo porque dende logo é moi merecido. Aquí vos deixamos as notas de prensa.
Tamén tendes o enlace á páxina da RAG.

Ir a RAG

Etapa 1: Allariz- Ourense

Este venres 11,  o alumnado de 5º e 6º de primaria, o alumnado de Secundaria e 5º e 6º de Portomouro, emprenderon unha etapa do Camiño Sanabrés, que forma parte da Vía da Prata. Este camiño sae realmente dende Sevilla. 

Pero eles saíron dende Allariz. Foron 22 km de aventuras e paisaxes.

Premiados polo día das Letras Galegas

Temos o pracer de comunicarvos esta noticia que saiu no Correo Galego. O alumnado do Cpi de Bembibre foi premiado pola Real Academia Galega.

O curso pasado o alumnado de 6º de primaria realizou unha obra de teatro grazas a súa mestra Lucinda. Esta obra de teatro sobre a vida de Antón Fraguas, estreouse o día das Letras galegas. E foi gañadora  entre máis de 80 colexios do concurso ""Contádenos o voso día das Letras Galegas". O vindeiro 15 de outubro, terán que ir a recoller o premio que lle otorga a Real Academia Galega.

Noraboa aos actores e actrices e sobre todo á artífice de todo isto, a mestre Lucinda!!!

Se clicades na imaxe, accederedes a toda a noticia.

COIDALIBROS

Este ano estreamos COIDALIBROS!!! Están con moitas gañas de empezar e axudarnos a todos a usar a biblioteca e a facernos préstamos de libros para levar a casa.

Tamén como novidade, teñen unha equipación nova!!! Mirade que ben se lles vai ver este ano!!!

Hoxe abrimos a biblio

Pistacho está moi contento porque chegou o día de abrir e de comezar un ano cheo de moitas sorpresas e aventuras.

 E tamén comezan a andar as MOCHILAS VIAXEIRAS!! Disfrutade moito delas e coidádeas moito!!

Minuto de silencio

Non podemos máis que demostrar co noso minuto de silencio que estamos en contra da violencia de xénero. Por desgracia, hoxe tivémonos que xuntar para recordar as 3 vítimas de onte no concello de Valga. Mulleres que lles foi arrebata a vida en presencia de dous nenos. 

Toda a comunidade educativa do CPI de Bembibre  concentrouse en sinal de repulsa.

NON MÁIS MORTES, NON MÁIS VIOLENCIA MACHISTA.

Alumnado curso 2019/2020

Aquí vos presentamos ao alumnado que temos este curso!! E como non podía ser de outra maneira, están acompañados polos seus profes!!

Mirade que contentos están e con que enerxías comezamos o curso!!

Benvidos ao curso 2019/2020

Benvidos e benvidas ao curso 2019-2020!

Pistacho tiña moitas ganas de que o alumnado de Bembibre volvera ao cole porque se sentía moi só na biblioteca!!

 Espéranos un curso cargado de experiencias, sorpresas e novas aprendizaxes! Vide coas pilas  cargadas porque imos a facer unha morea de cousas.

En breve vos iremos contando novidades.

Feliz curso piratas!!!!