Festa fin de curso

 E ata aquí un curso máis, un pouquiño especial pero con moita ilusión e gañas de desfrutalo. Pasou voando, como todos os curso. Moitas grazas a toda a comunidade educativa por colaborar e facernos un pouco máis fácil este curso. Grazas tamén aos nenos e nenas por como se adaptaron a esta nova normalidade e o ben que o levaron, sen dúbida, os mellores!!!!

Desfrutade  moito moito do verán e das tan merecidas vacacións!!! Vémonos no vindeiro curso!!!

UNha aperta, Pistacho!!

P.D.: Aquí vos deixamos unhas fotos da festa que tivemos este luns no patio!!

Graduados Infantil e 6º de EP

 Finalizou o curso e con el comeza unha nova etapa para o alumnado de infantil e 6º de EP. Aquí vos deixamos a foto da orla dos nosos graduados. Parabéns!!!!

Graduación 6º de Infantil

 Este venres os pequechos de infantil viviron un día moi bonito e emotivo. No auditorio, os nenos e nenas e as súas familias, acompañados da súa titora Noelia, poideron disfrutar dun momento moi especial xa que para eles remátase unha etapa e había que celebralo por todo o alto. A súa profe preparoulles unha actuación e tamén un emotivo vídeo con fotos que lembraban os momentos vividos estos tres anos. Despois recibiron o seu diploma e a súa orla. Ian todos guapos e elegantes co seu birrete!! Que grandes se nos fixeron!!! Parabéns graduados/as!!!!!

Visita de Tanissha

 Hoxe tivemos unha visita moi especial. Veu ao cole unha nena que vive coa mestra María e que veu a estudar e coñecer Galicia. Chámase Tanissha e veu de Malasia. Gracias a ela coñecemos a vestimenta tradicional e tamén un pouquiño as súas costumes e forma de vida. Aquí vos deixamos unhas fotos.

Excursión ao Galipark

 Vaia semana tan divertida tivemos. Como nos gustou o Galipark en Padrón. Divertímonos moito facendo todas as actividades que alí tiñan: tiro con  arco, lasertag, tirolinas, pontes colgantes, rocódromo, deslizador acuático,... Pasámolo en grande!! Que falta tiñamos de volver un pouco a normalidade e disfrutar como enanos!!! 

Camiñata co alumnado de infantil

 Desta vez, tocoulle o turno ao alumnado de infantil. Fixérono moi ben e camiñaron igualiño que os maiores. Mirade que ben o pasaron!!!!

Camiñata a Ermida de San Xoán e Santa Margarida

• Aquí vos deixamos mostra do que foron estas camiñatas a Ermida de San Xoán e Santa Margarida. Aprendemos moito nesta visita grazas ao mestre Varela. Coñecemos a cova dos mouros, a fonte milagrosa que hai ao lado da ermida, a escombreira e a función dos seus respiradeiros,... e tamén a  plaga da avispilla que está acabando cos castiñeiros da zona. Alí tivemos tempo para merendar e tamén para xogar. 

Obra de teatro "Vida de Xela Arias"

 E como colofón final, o alumnado de Infantil 5 anos, 3ºA, 3º B e 4º, realizou esta pequena obra de teatro, contando un pouquiño  a vida e obra de Xela Arias.  Temos que agradecer  a nosa sempre mestra e compañeira de teatro, Lucinda, por colaborar con nós.

Quixemos facela en varias partes: Xela nena, Xela en Xerais, Contos ao teléfono de Gianni Rodari e Xela editora. Esperemos que vos guste.

Obradoiro das Letras Galegas

 Na xornada de onte tivemos o pracer de desfrutar dun taller impartido por Andrea Barreira Freije. Andrea naceu na Fonsagrada en 1986, é graduada en xornalismo pola USC e especialista en Ed. Medioambiental, social e internacional. En 2015 publicou "Non hai luz sen escuridade", unha novela de xénero fantástico para público xuvenil. Outros das súas obras son:" Contos do Sacauntos", "Lendas de Gallaecia", "Tebras na alma" ou "Contos de verán". 

Actualmente imparte obradoiros de narrativa para adolescentes e adultos. Ademais da obradoiros de escrita creativa, é redactora na web Galicia enteira e forma parte da plataforma de crítica literario feminista A Sega, que visibiliza o traballo das escritoras. 

O taller que veu impartir ao alumnado de 4º de EP, chámase: "Cada día, a familia". Un obradoiro de poesía, para dar a coñecer e dinamizar a figura de Xela Arias.

Letras Galegas Xela Arias

Este venres no cole conmemoramos o día das Letras Galegas, que este ano se lle dedica a escritora Xela Arias. 

Durante esta semana estivemos realizando unhas camisetas moi chulas e orixinais. Plasmámoslle a palabra máis bonita do galego. Quedaron moi vistosas!!!

Tamén lemos uns poemas de Xela, do seu libro "Darío a diario" que escribiu para o seu fillo.  Para finalizar escoitamos e bailamos un pouco para festexar este día. 

Este vídeo resume moi ben este día. FELIZ DÍA DAS LETRAS GALEGAS 2021

 

Wonder

 O alumnado de 4º de EP, fixo unha actividade para traballar o 2 de maio, día contra o acoso escolar. Despois de ver a peli de Wonder, fixémonos pasar polo protagonista da película e gravamos este vídeo. 

" Se te miran, deixa que te miren. Non podes pasar desapercibido. Naceches para destacar."

Día contra o ACOSO ESCOLAR

Hoxe, 2 de maio, celébrase o día internacional contra o acoso escolar, co obxectivo de concienciar sobre o risco do acoso escolar e o bullying nos nenos/as, así como de buscar mecanismos para evitar este mal, que hoxe, se convertiu nun terrible perigo para a poboación infantil e xuvenil,. 

.No noso cole queremos dar visibilidade  a este tema e por iso fixemos este vídeo. 

Búscanse valentes!!! A forza dos valentes está no corazón!!! E ti, de que lado estás???

23 de Abril- Día do libro

 Hoxe, 23 de abril é o día do libro. Contan que se conmemora ese día para fomentar a lectura. E coincide coa morte de escritores moi importantes como Shakespeare e Cervantes.

Nós, no cole, para celebrar este día sempre facíamos o Apadriñamento lector. Pero este ano polo Covid, decidimos que a lectura sexa a distancia. Os maiores graváronse lendo un conto, que llo proxectarán nas aulas. 

Tamén decoramos o cole con flores primaverales con recomendacións de lecturas que nos gustan moito.

Aí vos deixamos as lecturas dos contos!!!

Buscando o tesouro

 Este venres os nenos e nenas de 3ºB tiveron unha búsqueda do tesouro pola biblio. Pistacho e a súa profe, agocháronlle diferentes pistas para así comprobar que sabían como funcionaba a biblio e como están organizados os libros. Fixérono tan ben que pronto conseguiron o tesouro!! Mirade algunha foto!

Vídeo completo Os Bolechas no cole

 Aquí vos deixamos todo o que preparamos para o programa da TVG2 "Os Bolechas no cole". Tiñamos moito material que lles enviamos pero parece que non dou tempo a emitir todo. Así que, en exclusiva, podedes ver o programa ao completo!!!